Борбениот авион „сухој 24“ што го соборија турските сили за безбедност, не претставуваше закана за Турција ниту за нејзините граѓани, изјави денеска заменик-шефот на руските воздухопловни сили, Сергеј Дронов.
Црната кутија од авионот била отворена пред новинарите, а потоа била префрлена во специјална лабораторија.
Дронов истакнал дека Русија има докази дека соборениот авион не го повредил воздушниот простор на Турција.
– Во секој случај, соборениот руски бомбардер не претставувал закана за Турција и за нејзините граѓани – изјавил заменик-шефот на руските воздухопловни сили.
Тој истакнал дека црната кутија на соборениот авион била оштетена и дека за симнувањето на податоците ќе биде користена специјална опрема.
Повеќе информации за тоа што е забележано на снимката на летот ќе бидат објавени в понеделник.