Шефот на Европската централна банка (ЕЦБ), Марио Драги, изјави дека таа европска монетарна институција располага со „мноштво инструменти“ за поттикнување на инфлацијата, која последните години е прениска и го спречува развојот.
На сесија во рамките на Светскиот економски форум во Давос, Драги изјави дека одборот на банката има „одлучност, подготвеност и капацитет да дејствува и да ги искористи тие инструменти“.
Годишната инфлација од 0,2 проценти во еврозоната е далеку под целната, нешто помалку од 2 проценти, која се смета за најпогодна за пораст и за отворање нови работни места.
Економијата во еврозоната има умерен пораст и невработеност од 10,5 проценти, која полека се намалува.
Наглиот пад на цената на нафтата ја поттикна Европската централна банка да ја зголеми инфлацијата.