fbpx

Доцни изградбата на магистралата Велес – Кадрифаково

-

Изградбата на патната магистрала Велес – Кадрифаково се одвива со извесно задоцнување, а работите на патот едно време стагнирааа, потврди денеска и министерот за транспорт и врски, Владо Мисајловски, кој рече дека ќе се бара ново проектанско решение за проблемот што се јавил.

– Сега се работи ефективно. Таму работат две фирми, „Штрабак“ и „Гранит“. Вчера имав состанок на оваа тема. Динамиката е забрзана, но се појавија проблеми со дождовите и со снеговите во изминатиот период и поради тоа има мало доцнење во динамиката. Тлото беше премногу мокро и треба да се најде ново проектанско решение, но убеден сум дека во наредниот период ќе се забрзаат сите градежни активности и во наредните неколку месеци ќе ги завршиме сите работи – изјави министерот Мисајловски, при неговата денешна посета на Дојран.

Третата и последна фаза од изградбата на магистралата почна во октомври минатата година, кај селото Сарамзалино, со проширување и со обнова на 10,7 километри од делницата. Патот што беше со широчина од 6,4 метри, прераснува во брза магистрала со четири ленти, по две во двата правци, и со широчина од 11,1 метри.

За изградбата се планирани 14,9 милиони евра од државниот буџет.

В.К.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

ДИК нема да може сама да се справи со евентуални кибер напади и дезинформации

Кибер напади, дезинформации, логистички пречки - овие ризици се закана за кредибилитетот на изборните процеси, истакна денеска првиот човек на Државната изборна комисија (ДИК), Александар Даштевски. На денешната панел...