Лидерот на политичката партија Достоинство, Стојанче Ангелов, побара доживотен затвор сите инволвирани во убиството на полицајците во кумановското Диво Насеље, јавува „А1 он“.
– На телевизија ги слушав изјавите на обвинетите за злосторството во Диво Насеље, не можев да верувам дека овие луѓе кои убија осум полицајци, кои осакатија или ранија повеќе од десет полицајци, се чувствуваат невини. Пукале во самоодбрана, само од кого се бранеле, се бранеле од македонската полиција, во која имаше и Албанци. Знаеме дека има полицаец Албанец кој храбро загина бранејќи ја својата држава – рече Ангелов, додавајќи дека партијата во иднина ќе побара воведување смртна казна за убивање полицаец или припадник на Армијата на Република Македонија.
