За помош на настраданите од поплавените подрачја, до денеска, преку хуманитарните телефонски линии, се собрани 619.000 денари, а на сметка на Фондот за солидарноста се собрани дополнителни 6.300 денари.
Хуманитарната акција за помош на поплавените веќе е во тек, собрани се средства за лична хигиена, вода за пиење, прехранбени продукти, ќебиња и душеци.
Од Црвениот крст на Република Македонија велат дека со донациите ќе им се помогне на околу 650 загрозени семејства, од кои на околу 300 семејства помошта им е веќе доставена.
Надлежните институции апелираа и да не се пие водата во настраданите подрачја, а за таа цел се донирани повеќе од 50.000 литри вода да пиење.
Од денеска Црвениот крст на Р.Македонија отвори и донаторска девизна сметка, на која можат да донираат граѓани од странство.
Министерот за труд и социјална политика, Диме Спасов, апелираше до сите граѓани, приватни компании, Македонците од дијаспората и до граѓани надвор од државата да се приклучат кон хуманитарната помош и да дадат свој придонес на еден од телефонските броеви 070/075/077-143-400.
