fbpx

Дополнителни препораки за заштита од високата температура

-

Владата, на денешната седница, на предлог на Министерството за здравство, донесе дополнителни мерки за заштита на населението од високата температура, особено по најавата од Управата за хидрометеоролошки работи (УХМР) завредности на температурата од портокалова фаза, кои се очекуваат во текот на утрешниот ден.

Донесена е препорака за ослободување од работните обврски на сите лица што работат со скратено работно време поради здравствени причини. Се препорачува да се избегнува вршење градежни работи на отворено во периодот од 11 до 17 часот, наместо досегашната мерка која се однесуваше на периодот од 12 до 17 часот.

Владата донесе препорака за поактивен пристап на надлежните служби, односно Министерство за труд и социјална политика, локалната самоуправа, Црвен крст, кои во координација треба да ги детектираат осамените, изнемоштени лица, да им пружат неопходна помош од храна и од вода за пиење, додека за бездомниците и за децата на улица да се обезбедат климатизирани простории каде ќе престојуваат во текот на најтоплиот дел од денот, од 11 до 17 часот.

Продолжуваат да важат препораките за ослободување од работни обврски на бремените жени и на хронично болните лица постари од 60 години.

За населението и понатаму важат општите препораки за заштита од висока температура, односно во текот на екстремно топли денови да се престојува во затворени климатизирани простории, а при неопходен престој на отворено, да се овозможат почести одмори под сенка, да се носи светла и лесна облека, а при директна изложеност на сонце и заштитни очила и капа. Покрај тоа, се препорачува да се внесува помало количество храна, претежно овошје и зеленчук, а помалку масна храна, како и да се внесуваат големи количества течности (најдобро обична вода за пиење), а да се избегнуваат алкохолни пијалаци.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...