Дојави за поставени бомби на електронските адреси денес добија 18 основни и средни скопски училишта. Министерството за внатрешни работи (МВР) соопшти дека според процедурите, основните и средните училишта веднаш се евакуирани и се чекаат антитерористичките единици да извршат проверки.
Вчера лажните дојави за бомби испразнија 12 средни училишта. Но, беа регистрирани лажни дојави за поставени бомби и во инстиутуции и деловни и станбени објекти во Скопје. Меѓу нив закана за поставена експлозивна направа пристигна на електронските адреси на адресите на Македонската радио телевизија, Транспортниот центар, ГТЦ, Џевахир Сити, трговските центри Ист Гејт и Сити мол.
Дојави за бомби испразнија 12 училишни згради, како и Транспортен центар, трговски центри и МРТВ
Испраќачите на дојави се активираа повторно по почетокот на второто полугодие. Завчера дојава за бомба беше испратена во 33 училишта во Скопје. Она што беше различно во споредба со заканите испраќани во првото полугодие, е тоа што е потпишано од извесна „Бугарска револуција“.
На крајот на мнатиот месец, претседателот на Сојузот на средношколци, Лука Павиќевиќ, изрази загриженост затоа што во првото полугодие вкупно 10 работни недели биле нарушени поради лажните дојави за поставени бомби, а повеќето училишта не ги надоместија пропуштените часови и не го поминаа материјалот.
Павиќевиќ: Дојавите за бомби нарушија дури 10 наставни недели од првото полугодие
