fbpx

Договорот од Пржино спроведен половично, има уште многу работа

-

Работните групи на политичките партии денеска продолжија со преговорите за реформи во медиумите, како дел од Договорот од Пржино, и за Рамковниот договор.

Пратениците вчера го изгласаа составот на новата влада, а пред неколку дена го усвоија и изборното законодавство.

Сепак, остануваат уште низа чекори што треба да се направат за да може целосно да се спроведе договореното:

  • Договор за медиумите во работните групи;
  • Специјалната обвинителка Катица Јанева почна со работа на 9 ноември, а првиот извештај до Собранието треба да го поднесе за шест месеци;
  • Премиерот Никола Груевски треба да си поднесе оставка 100 дена пред изборите;
  • По стапувањето на сила на изборните закони, Собранието има рок од пет дена да распише оглас за избор на претседател и на членови на Државната изборна комисија. Во ДИК ќе има вкупно девет членови, а како што договорија работните групи, комисијата ќе биде составена од тројца членови од власта, тројца членови од опозицијата и од тројца експерти;
  • Како што беше договорено на средбите на работните групи, пред изборите ќе мора да се направи и прочисување на избирачкиот список. Дел од „чешлањето на списокот“ ќе биде теренски спроведен, а дел преку вкрстување на податоците од базите на државните институции;
  • Сè уште не е поставен конкретен рок во кој работните групи треба да дебатираат за спроведувањето на Рамковниот договор.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...