fbpx

Договорот од Нуи можеби „одзел“ Бугари на Царството Бугарија, но не само „Бугари“

-

Во текст посветен на стогодишнината од потпишувањето на Мировниот договор од Нуи-сур-Сен, со кој на 27 ноември 1919 година Бугарија од една страна и силите на Антантата од другата го означуваат крајот на меѓусебното војување во Првата светска војна, минатата седмица бугарскиот портал „Топ Новини“ излезе со неколку дезинформации што се однесуваат на Македонија и на македонската историја.

Покрај репарацииите и мерките што се наложени на Бугарија, текстот се зафаќа и со другите елементи на Договорот, меѓу кои и одземањето нејзини територии – Западните покраини, односно териториите што се сега во Србија во подрачјето на Димитровград и Босилеград, потоа Јужна Добруџа и Западна Тракија, при што се наведува и одземањето на Струмичко Поле сосе Струмица од Бугарија и негово преминување vo територијата на Србија.

Со тоа, пишува „Топ Новини“, 2 милиони Бугари се оставени под туѓа власт“.

Но ваквото тврдење, настрана дилемата дали биле баш два милиони или можеби помалку, е неточно, бидејќи на териториите на денешна Северна Македонија што Бугарија ги губи по Првата светска војна – односно половина Струмичка околија сосема извесно не живееле само Бугари.

Имено, како што е општо познато, меѓу населението на Струмица и околијата имало голем број припадници на стари патријаршистички семејства, од кои огромен дел се сметале себеси за Грци. Потоа, тука се и неколкуте турски села, како Висока Маала, Нова Маала, Чанаклија…

Значи, во периодот пред, во текот и по Првата светска војна, не биле сите „Бугари“ – исто како што ни „Бугарите“ на територијата на денешна Македонија од наративот на бугарскиот националшовинизам не се баш тоа. Несомнено е дека меѓу македонското население (исклучувајќи ги лицата што се самопределиле како патријаршисти или Грци) имало луѓе што се чувствувале како Бугари, но имало и луѓе што се самопределувале како Срби, и секако луѓе што се идентификувале како Славјани, како Македонци, како „тукашни“, за што може да се прочита во македонската историографија.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Петровска го доби Ковачки на суд и се откажа од 10.000 евра што требаше тој да ѝ ги плати за клевета

Основниот граѓански суд - Скопје утврдил граѓанска одговорност за клевета врз министерката Славјанка Петровска од Драган Ковачки од ВМРО-ДПМНЕ. Петровска на својот профил на Фејсбук ја објави пресудата. „Како што...