Британскиот амбасадор во Република Македонија, Чарлс Гарет денеска го поздрави постигнатиот договор меѓу премиерите Зоран Заев и Алексис Ципрас за спорот за името посочувајќи дека тоа ќе го отвори патот Македонија да оди напред во евроатлантските интеграции, кон ЕУ и НАТО.
– Тоа не е добро само за Македонија, туку и за регионот – рече Гарет по потпишувањето на Меморандум за соработка со Владата на Република Македонија .
Тој изрази надеж дека Македонија ќе добие датум за почеток на пристапните преговори на состанокот на Советот на ЕУ, а подоцна и покана за членство во НАТО.
Британскиот министер за надворешни работи Борис Џонсон вчера го поздрави постигнатиот договор меѓу премиерите на Македонија и на Грција Зоран Заев и Алексис Ципрас за спорот за името.
„Фантастична вест е дека премиерите Зоран Заев и Алексис Ципрас постигнаа договор за прашањето за името. За ова е потребно лидерство и политичка храброст. Ги охрабрувам сите политички лидери во двете земји да ги препознаат бенефитите што ќе ги донесе решавањето на ова долгогодишно прашање“, напиша британскиот министер за надворешни работи на „Твитер“.
Fantastic news that PMs @Zoran_Zaev and @tsipras_eu have reached an agreement on the Name Issue. This took leadership & political courage. I urge all political leaders in both countries to recognise the benefits that resolving this long-standing issue will bring🇬🇷🇲🇰
— Boris Johnson (@BorisJohnson) June 12, 2018