Посебниот додаток за децата со пречки во развојот од материјално необезбедените семејства се зголеми за 25 проценти, а мерката опфаќа 1.030 родители на овие деца.
Ова денеска го истакна министерот за труд и социјална политика, Диме Спасов, на работната средба со претставници на Националниот сојуз на слепи лица, Националниот сојузот на лица со телесен инвалидитет и претставници на Националниот сојуз на глуви и наглуви лица.
За реализација на ова зголемување, обезбедни се средства во износ од 18,5 милиони денари, за период од една година.
Сите родители на деца со пречки во развојот кои се во потешка материјална состојба, во наредниот период ќе добиваат зголемен паричен надомест за 25 проценти.