По едномесечна празнична пауза продолжува скринингот. Тоа е веројатно добар момент да се направи пресек до каде е овој процес. Овде презентираните податоци се засноваат на објавениот календар на веб страната на СЕП и досегашното следење на скринингот.
Двата дела од скринингот – објаснувачкиот и билатералниот – се одвиваат напоредно. Досега е завршен објаснувачкиот скрининг за првите три кластери: 1. Темели, 2. Внатрешен пазар и 3. Конкурентност и инклузивен раст. Овие кластери опфаќаат 22 поглавја и три области. Потсетуваме дека овој циклус на објаснувачки скрининг, во кој Европската комисија го презентира правото на Унијата, е ажурирање на претходно одржаниот аналитички скрининг во 2018-2019 година.
Претстои објаснувачкиот скрининг за преостанатите три кластери: 4. Зелена агенда и одржлива поврзаност (март) ; 5. Ресурси, земјоделство и кохезија (јуни) и 6. Надворшени односи (септември).
Билатералниот скрининг е завршен за првиот кластер. За вториот кластер се планира од јануари до март, за третиот – од март до јуни, за четвртиот – во јуни и септември, за петтиот и шестиот – во октомври и ноември.
Распоредот на скринингот е прикажан на следнава табела (завршените делови се потемнети; АА: ажурирање на аналитички скрининг; Б: билатерален скрининг).
2022 | 2023 | |||||||||||||||
Кл. | Поглавје/област | IX | X | XI | XII | I | II | III | IV | V | VI | VII | VIII | IX | X | XI |
1 | Демократски институции | АА | Б | |||||||||||||
1 | 23 Правосудство и темелни права | АА | Б | |||||||||||||
1 | Реформа на јавната администрација | АА | Б | |||||||||||||
1 | 24 Правда, слобода и безбедност | АА | Б | |||||||||||||
1 | Економски критериуми | АА | Б | |||||||||||||
1 | 5 Јавни набавки | АА | Б | |||||||||||||
1 | 18 Статистика | АА | Б | |||||||||||||
1 | 32 Финансиска контрола | АА | Б | |||||||||||||
2 | 1 Слободно движење на стоки | АА | Б | |||||||||||||
2 | 2 Слободa на движење за работниците | АА | Б | |||||||||||||
2 | 3 Право на основање и слобода на движење на услуги | АА | Б | |||||||||||||
2 | 4 Слободно движење на капиталот | АА | Б | |||||||||||||
2 | 6 Право на трговски друштва | АА | Б | |||||||||||||
2 | 7 Право на интелектуална сопственост | АА | Б | |||||||||||||
2 | 8 Политика на конкуренција | АА | Б | |||||||||||||
2 | 9 Финансиски услуги | АА | Б | |||||||||||||
2 | 28 Заштита на потрошувачите и здравствена заштита | АА | Б | |||||||||||||
3 | 10 Информатичко општество и медиуми | АА | Б | |||||||||||||
3 | 16 Оданочување | АА | Б | |||||||||||||
3 | 17 Економска и монетарна унија | Б | ||||||||||||||
3 | 19 Социјална политика и вработување | АА | Б | |||||||||||||
3 | 20 Претпријатија и индустриска политика | АА | Б | |||||||||||||
3 | 25 Наука и истражување | АА | Б | |||||||||||||
3 | 26 Образование и култура | АА | Б | |||||||||||||
3 | 29 Царинска унија | АА | Б | |||||||||||||
4 | 14 Транспортна политика | АА | Б | |||||||||||||
4 | 15 Енергија | АА | Б | |||||||||||||
4 | 21 Трансевропски мрежи | АА | Б | Б | ||||||||||||
4 | 27 Животна средина и климатски промени | АА | Б | |||||||||||||
5 | 11. Земјоделство и рурален развој | АА | Б | |||||||||||||
5 | 12. Безбедност на храната, ветеринарна и фитосанитарна политика | АА | Б | |||||||||||||
5 | 13. Рибарство | АА | Б | |||||||||||||
5 | 22. Регионална политика и координација на структурните инструменти | АА | Б | |||||||||||||
5 | 33. Финансиски и буџетски одредби | АА | Б | |||||||||||||
6 | 30. Надворешни односи | АА | Б | |||||||||||||
6 | 31. Надворешна, безбедносна и одбранбена политика | АА | Б |
Она што е помалку познато за пошироката јавност е содржината на процесот, за што се значајни транспарентноста, но и комуникацијата на клучните чинители.
Најпрвин во поглед на транспарентноста. За објаснувачкиот скрининг достапни се презентациите на Европската комисија од претходно одржаниот скрининг за сите поглавја (2018-2019) и од ажурирањето за Кластерот Темели, но не и за вториот и третиот кластер. Позитивно досега беше тоа што имаше он-лајн преноси на состаноците. Меѓутоа, нив ги следат релативно мал број експерти и претставници на невладините организации.
За билатералните состаноци податоците се уште поштури. Презентациите не се објавени. За жал, на официјалната веб страна на Секретаријатот за европски прашања, информациите и документите во врска со скринингот и воопшто за преговорите се неструктуирани.
Ниту Албанија не може да се пофали со транспарентност на релевантните документи. За споредба, информациите и документи за преговорите на Црна Гора и за Србија поструктуирани. Достапни се и презентациите од билатералниот скрининг (иако беа објавени подоцна), а за Србија и записниците од објаснувачкиот.
Што се однесува пак до информирањето и комуникацијата со пошироката јавност, таа главно се исцрпува со соопштенија за состаноците. Главниот аспект е учеството на функционерите/претставниците на институциите во нив. Отсуствува напор од Владата, односно од Секретаријатот за европски прашања, како централно координативно тело на процесот, на пошироката јавност да ѝ се пренесе главната содржина и пораки од состаноците На конференциите за печатот, но и во другите облици на комуникација, содржината на скринингот паѓа во сенка на политичките прашања, како што е прашањето за измена на Уставот.
Според штурото соопштение од Секретаријатот за европски прашања, на неoдамна одржаниот трет состанок на Работнио комитет за европска интеграција, меѓу другото, се разговарало и за „обврските од билатералниот скрининг“, но нема објаснување какви се тие обврски. Претпоставка е дека во оваа фаза тоа се барања за дополнителни податоци и објаснувања по состаноците. Меѓутоа, за да нема претпоставки, неопходни се информации.