fbpx

Џулијан Асанж ја напушти Велика Британија откако постигна договор со американското Министерство за правда

„Викиликс“ на социјалните мрежи објави видео од неговиот основач, како синоќа се качува на лет на лондонскиот аеродром Станстед, а австралискиот премиер Ентони Албанезе потврди дека Асанж го напуштил Обединетото кралство

-

Основачот на „Викиликс“, Џулијан Асанж, е ослободен од британски затвор и се очекува да се изјасни за виновен за кршење на американскиот закон за шпионажа, што ќе му овозможи да се врати дома во родната Австралија, пренесува „Гардијан“.

Асанж (52) се согласи да се изјасни за виновен по кривичнотo обвинение за откривање доверливи документи за национална одбрана на САД.

„Викиликс“ на социјалните мрежи објави видео од неговиот основач, како синоќа се качува на лет на лондонскиот аеродром Станстед, а австралискиот премиер Ентони Албанезе потврди дека Асанж го напуштил Обединетото кралство. Авионот слетал во Бангкок за полнење гориво, соопштија официјални лица на тајландскиот аеродром.
Асанж, наводно, патува на сослушување на островот Саипан на северните Маријански острови. Според Албанезе, тој е придружуван од високиот комесар на Австралија во Обединетото кралство, Стивен Смит.

„Без оглед на ставовите што луѓето ги имаат за Џулијан Асанж и неговите активности, случајот се одолговлекува предолго, нема што да се добие од неговото продолжување во затвор и сакаме тој да се врати дома во Австралија“, изјави денеска Албанезе.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Податочните центри во Ирска потрошиле повеќе струја од сите домаќинства заедно

Податочните центри во Ирска потрошиле повеќе струја од сите домаќинства во државата заедно, пренесува Гардијан. Според Државниот завод за статистика на Ирска, податочните центри искористиле 21 отсто од електричната енергија...