fbpx

Џо Бајден не се заколнал дека за Албанците ќе уништува држави

-

Иако новинарството во основа е благородна професија која има за цел правилно и професионално да ја информира јавноста, често се случува од одредени причини да се излезе надвор од новинарската етика. Дигитализацијата и интернетот доведоа уште повеќе до кршење на професионалната етика, па така секој ден гледаме се повеќе „онлајн“ медиумски содржини кои имаат за цел само кликови. Конкретен пример за таква ситуација е содржината што ја разгледуваме во прилог, пишува Portalb.mk, пишува „Вистиномер“ во својата анализа.

Текстот подолу го пренесуваме во целост:

 

Ви се колнам ако ги допирате Албанците сме спремни 24 часа да ја ‘уништиме’ секоја држава..!!, е насловот на содржината што ја рецензираме, а која е придружена со фотографија од американскиот претседател Џо Бајден. Овој медиумски производ е објавен на порталот theglobalreport24.com, а од површно истражување разбирате дека се работи за непрофесионален медиум за кој не се знае кој управува со него и какви интереси има.

Што се однесува до содржината што ја разгледуваме, сензационалниот наслов е проследен со текст во неколку реченици, а потоа читателот е поттикнат да кликне на рекламите за да прочита повеќе.

Претседателот Џо Бајден во 2002 година на конференција организирана во САД отворено ја изјави својата голема љубов кон Албанската нација. Тогаш Бајден изјави дека САД се подготвени да стрелаат и да го убијат секој што ги напаѓа Албанците на Балканот. Неодамна оваа негова изјава почна на големо да се шири, еве ја и неговата изјава. ПРОЧИТАЈ ПОВЕЌЕ СО ОТВОРАЊЕ НА СТРАНАТА ВО ПРИЛОГ“.

Ова е типичен пример за феноменот „clickbait“, користејќи сензационален наслов пропратен со скратена содржина и во однос на правописот и информациите, а главната цел на безимениот автор е да собере што повеќе кликови.

Од нашата проверка во американските медиуми не наидовме на содржина каде актуелниот американски претседател Џо Бајден дал ваква изјава во 2002 година. Факт е дека САД се најголемиот сојузник на Албанците, но оваа поддршка во ниту еден момент не беше изразена со заканувачки реторики.

Што е „clickbait media“ и како да се внимава на овој феномен?

„Clickbait“ е дигитална содржина која привлекува посетители на интернет и ги поттикнува гледачите да кликнат на содржината, која обично се наоѓа во врската што сте ја отвориле. Содржината на Clickbait обично се поврзува со погрешна или сензационална содржина, дури и со лажни вести. Со кликнување на содржина во рамките на написот што сме го отвориле се нудат други линкови чија цел е се придвижи сообраќајот до друга страница или платформа.

„Clickbait“ овозможува бизнисот да се појави или да биде претставен пред повеќе гледачи. Следењето на аналитиката овозможува да се измери успехот на областите за кликнување, давајќи можност да се процени каква содржина и стратегии ги поттикнуваат луѓето. Секоја бизнис или онлајн информативна платформа сака да има што е можно поголем сообраќај на веб-страницата за да генерира што поголем приход, „Clickbait“ звучи како атрактивна стратегија за маркетинг бидејќи успева да привлече многу корисници.

Кој го користи феноменот „clickbait“?

Бизниси: Бизнисите кои сакаат да ја зголемат активноста на веб-страницата објавуваат објави и видеа со привлечни наслови за да привлечат повеќе кликови од клиентите.

Издавачи: Некои издавачи користат кликови за да го поттикнат сообраќајот на страницата и да заработат повеќе пари од реклами, кликови или конверзии.

Неодговорни поединци и групи: оваа категорија дава лоша репутација на „мамката за кликнување“, бидејќи ја користат за пренасочување на кликачите на небезбедни и опасни страници. Обично овие облици на „клик-бајт“ се лажни вести или содржина што не е поврзана со насловот или фотографијата што се појавува на страницата.

Со развојот на технологијата и дигитализацијата се промени и начинот на информирање, затоа ние како читатели и корисници на онлајн информации мораме многу да внимаваме од каде и како сме информирани.

hubmk

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Камерите кои треба да ловат сообраќајни прекршоци не се во функција

Камерите кои се поставуваат на скопските сообраќајници, а кои се дел од проектот „Безбеден град“ сè уште не се во функција. Објавата што ја анализираме манипулира и непотребно крева...