fbpx

Дизелот поскапува за 1,5 денари, бензините за половина денар

-

Порачувајќи дека во однос на одлуката за цените на нафтените деривати од 18 август, на светските берзи бензините поевтинеле за 0,065 отсто, додека дизелот поскапел за 2 отсто и екстра-лесното масло за домаќинство поскапело за речиси 2 отсто, Регулаторната комисија за енергетика и водни услуги на Република Северна Македонија (РКЕВУ) денеска одреди нови, повисоки цени, за нафтените деривати на македонскиот пазар.

Новите цени стапуваат на сила по полноќ, и тие се за 1,5 денари по литар повисоки од досегашните за дизелот и екстра-лесното масло за домаќинство, додека бензините ќе се продаваат за половина денар по литар поскапо отколку досега.

Новата цена на бензинот ЕУРОСУПЕР БС-95 е 89 ден/лит, додека малопродажната цена на ЕУРОСУПЕР БС-98 изнесува 91,5 ден/лит.

Малопродажната цена на ЕУРОДИЗЕЛ (Д-Е V), од полноќ ќе изнесува 93,5 ден/лит, додека малопродажната цена на Екстра лесното масло за домаќинство (ЕЛ-1), ќе изнесува 90 ден/лит.

Малопродажната цена на Мазутот М-1 НС, се намалува за 1,128 ден/кг, и ќе изнесува 51,686 ден/кг.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Петровска: Членството во НАТО отвора можност за развој на науката и технологијата

„Членството во НАТО на сите членови на академската заедница- професори, истражувачи и студенти им отвора нова димензија на поддршка, на можност за соработка со колегите од сојузничките и партнерски...