fbpx

,,Дизајнерска игра со традицијата” – Изложба на Кирче Стојоски

-

Младиот дизајнер Кирче Стојоски од Охрид, отвори интересна изложба на дизајнерски парчиња на мебел, под наслов: „Дизајнерска игра со традицијата”. Во рамките на програмата на Охридско лето, љубителите можат да ја погледаат во изложбениот салон при Центар за култура „Григор Прличев” во Охрид.

Стојоски објаснува дека креирањето на вакви продукти можеби повторно ќе го поттикне изучувањето на традиционалните занаети кои се во изумирање, а ја докажале својата вредност низ времето. Што може да биде поспецифично, вели младиот уметник, од уникатен дизајнерски предмет специјално дизајниран за корисникот преку непосредна употреба на занаетчиските техники од кои ќе произлезе современ продукт со уметнички вредности кој би го зазел своето место во светот на дизајнот каде што доминираат производи масовно произведени на индустриски начин.

– Концептот е да се престави и традицијата и иновацијата. Направивме обид да ги обединиме занаетите со модерен дизајн. Сегашноста и минатото се ставени во дијалог меѓу себе што резултира со изненадувачка приказна и уникатен дизајн, продукти со душа и со приказни кои пренесуваат и предизвикуваат љубов и внимание. Ова е обид на дизајнот преку игра со минатото и со користење на традицијата со ново значење во формата и функцијата, повторно да ги истакнеме нашите културни вредности од минатото, но и од сегашноста – вели Стојоски.

Стојоски Кирче дипломирал на Факултетот за арт и дизајн, отсек дизајн на ентериери и досега има реализирано три самостојни изложби.

В.М

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Реакции по одлуката Саудиска Арабија да го предводи форумот за правата на жените на ОН

Саудиска Арабија е избрана да биде претседавач со комисијата на Обединетите Нации што ја промовира родовата еднаквост, а одлуката е критикувана од групи за човекови права поради исклучително лошото...