Опасноста која демне од третата дива депонија со линдан од ОХИС, лоцирана на местото Пеленица во близина на скопската населба Драчево е главната тема која ја третираме во 73-тата епизода на емисијата „Шорткат“. Ја пренесуваме сликата од оваа депонија каде се складирани огромни количини токсичен отпад без никаква заштита.
Во новите вести за млади информираме за протестот и бојкотот на наставата на учениците од Математичко-информатичката гимназија (МИГ) во Скопје и нивното незадоволство од директорката и наставниот кадар.
Известуваме за спроведената обука „Новинарство засновано на податоци и визуелизации“, ќе ја најавиме дискусијата за чет-ботови што ќе се одржи во среда, а ќе видиме и какви игри создадоа младите на годинешното издание на Global Game Jam.
Во „Шорткат“ информираме и за катастрофалниот земјотрес што минатиот понеделник ги погоди Турција и Сирија.
Новата епизода ќе биде објавена вечерва во 19:00 часот на сите наши канали на социјалните мрежи.
