fbpx

Димовски: Ребалансот на буџетот е неразвоен и неодржлив

-

Пратениците во Собранието, втор ден расправаат за ребалансот на буџетот за годинава, во отсуство на министерката за финансии Нина Ангеловска. Пратеникот на ВМРО-ДПМНЕ, Илија Димовски ѝ забележа на Ангеловска што не е присутна на седницата за да го брани ребалансот, што според него само го покажува односот што Владата го има кон пратениците.

– Нејзиното неприсуство покажува дека одлуките не ги носи министерката, туку некој друг во Владата – рече Димовски кој смета дека предложениот ребаланс е неразвоен, неодржлив, коцкарски и хазардерски.

Според пратеничката на ВМРО-ДПМНЕ, Ане Лашкоска со ребалансот се намалуваат средствата што во буџетот беа наменети за инфраструктура, образование и животна средина.

Панчо Минов од ГРОМ рече дека, иако мерката за субвенционирањето на платите се смета за популизам, добро што се даваат средства за зголемување на стандардот на вработените.

Според претставниците на власта пак суштината на ребалансот е да се алоцираат средства таму каде што ќе се потрошат до крајот на годинава и додаде дека најмногу средства се алоцираат за гасификација на земјава.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...