fbpx

Димова: Собраниските комисии ќе бидат отворени за граѓанскиот сектор

-

Пратеничката група на СДСМ, која пред пет дена се врати во Собранието, ќе ги отвори за граѓанските организации сите седници на комисиите со кои раководат претставници на партијата и на нивните коалициски партнери, вклучувајќи ја и Комисијата за надзор над работата на Управата за безбедност и контраразузнавање (УБК) и на Агенцијата за разузнавање (АР) и онаа за надзор врз примената на посебната истражна мерка следење на комуникациите, чија работа ќе биде во редовни консултации со претставниците на граѓанскиот сектор, соопшти денеска на прес-конференција пратеничката и претседателка на Националниот совет за евроинтеграции на СДСМ, Лидија Димова.

Димова на прес-конференцијата пред Собранието рече дека е големо и драгоцено искуството од соработката со организациите на граѓанското општество во рамките на платформата „Граѓаните за Македонија“ и информираше за начинот на работа и чекорите што СДСМ и коалициските партнери планираат да ги спроведат во законодавниот дом.

„Денеска сме овде да ви соопштиме и да ви ветиме дека ние, пратениците од пратеничката група на СДСМ и на коалициските партнери, вака ќе работиме: Ќе го слушаме мислењето на граѓаните! Редовно ќе ги консултираме сите засегнати страни за конкретните закони што ќе ги предлагаме во Собранието! Ќе ги отвориме сите седници на комисиите каде што претседатели се претставници на СДСМ и на коалициските партнери! За сите измени на важни закони, ќе иницираме јавни расправи со консултации и со учество во најширока смисла на зборот. Ќе иницираме надзорни расправи на теми што ги засегаат граѓаните! Со граѓанските организации ќе организираме заедничка средба најмалку еднаш месечно за законски предлози што би можело да бидат ставени на агендата на Собранието од здружената опозиција. Ќе работиме на воспоставување институционална инфраструктура во Собранието за соработка со организациите од граѓанскиот сектор. Во Собранието на Република Македонија мора да има соодветно тело преку кое граѓаните ќе можат да практикуваат директна демократија, демократија по мерка на граѓаните“, рече Димова.

Според неа, ова се само дел од чекорите на кои се обврзува опозицијата во Собранието.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Распишан конкурс за наградата „23 Октомври“

Одборот за доделување на државната награда „23 Октомври“, распиша конкурс за доделување на државната наградата за 2024 година. „Со државната награда се оддава највисоко признание за долгогодишни остварувања во областа...