fbpx

Димитров – Шаленберг: Позитивната одлука за датумот ќе биде во корист на младите генерации

-

Денеска во официјална посета на државата е сојузниот министер за Европа, интеграција и надворешни работи на Република Австрија, Александер Шаленберг.

На средбата во МНР, во фокусот на разговорите беа европските интеграции на  Македонија и очекувањата од претстојниот октомвриски Совет на Европската Унија.

„Позитивната одлука во октомври ќе придонесе не само кон зголемена доверба, кредибилна потврда на европската перспектива, предвидливост и позитивна динамика во регионалните случувања, туку ќе даде и поттик, за продолжување со вложување сили и енергија кон ребрендирање на регионот и неговиот имиџ во корист на младите генерации,” рече министерот за надворешни работи, Никола Димитров на средбата.

Шаленберг, како што информираат од МНР, ја поздравил посветеноста на Владата за спроведување на реформите неопходни за забрзување на европската интеграција на земјата.

Во рамки на неговата посета предвидени се средби со претседателот Стево Пендаровски, премиерот Зоран Заев и вицепремиерот за европски прашања Бујар Османи.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Сојузот на синдикати најави три протести, првиот ќе се одржи во вторник

Работниците и граѓаните повеќе немаат изговор да не учествуваат на протестите што ги организира Сојузот на синдикатите на Македонија (ССМ), рече првиот човек на Сојузот, Слободан Трендафилов, на прес-конференција...