fbpx

ДИК: Законот ни дозволува да исплатиме дополнителни плати, ама утре ќе ги вратиме

-

Одлуките за надоместок на вработените во ДИК се носени врз основа на закон, но и врз основа на одговорноста, сложеноста и на обемот на работните задачи и врз основа на извештаите за работа на изборната администрација, се вели во реакцијата на ДИК, откако амбасадорот на САД, Џес Бејли, рече оти слушнал дека членовите на ДИК зад затворени врати едногласно си изгласале да добијат четири дополнителни плати по завршувањето на локалните избори во октомври годинава.

„Претседателот и членовите на изборните органи и изборната администрација имаат право на надоместок во согласност со член 19 од Изборниот законик, што се утврдува со акт што го донесува ДИК. Правилникот за утврдување на критериумите за исплата на надоместокот на изборните органи е донесен по распишување на изборите во согласност со определениот буџет одобрен од страна на Собрание на Република Македонија и тој е објавен на веб-страницата на Државната изборна комисија. Државната изборна комисија од распишување до завршување на изборите е во постојано заседание, континуирано, без оглед на неработни денови и празници и работниот ден најчесто трае повеќе од 20 часа“, се вели во реакцијата на ДИК.

Од Комисијата велат дека одлуките за надоместок се донесени во согласност со закон и врз основа на позитивните законски прописи, меѓутоа поради повикот на јавноста, членовите на ДИК одлучиле утре, на јавна седница, да расправаат по предлог-одлука за отповикување на донесените одлуки за определување надоместок за членовите на ДИК во стручната служба за спроведените избори.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Млади иноватори изработија мобилна апликација за помош на дијабетичари

Ѓорѓина Ристовска и Марио Мијатовиќ се млади иноватори кои ја креираа апликацијата ДИА, како асистент на лицата со дијабетес за менаџирање на оваа состојба. Инспирирани од желбата да помогнат...