fbpx

ДИК разреши избирачки одбори од Ѓорче Петров и Берово

-

Во согласност со записниците од општинските изборни комисии и избирачките одбори, Државната изборна комисија информираше (ДИК) дека конечниот вкупен број на гласови на кандидатите за претседател изнесува Блерим Река 79.921 гласови, Гордана Сиљановска-Давкова 319.364 гласови и кандидатот Стево Пендаровски добил 323.892 гласови, информираат од ДИК.

На 35. седница на Државната изборна комисија било утврдено дека во согласност со членот 121 став (1) од Изборниот законик, во вториот круг ќе се гласа за двајцата кандидати кои во првиот круг освоиле најмногу гласови, односно за Гордана Сиљановска-Давкова и Стево Пендаровски.

„Истовремено, на седницата се одлучуваше по службена должност за гласањето во ИМ 2564 Ѓорче Петров, каде согласно член 151 став (1) алинеја 5 од Изборниот законик, Државната изборна комисија со решение го поништи гласањето во ова Избирачко место, имајќи предвид дека бројот на гласачките ливчиња во гласачката кутија е поголем е бројот на избирачите што гласале. Бидејќи бројот на гласови не влијае на конечниот резултат, на ова избирачко место ќе се гласа во втор круг, на 5.5.2019 година. По однос на приговорот за ИМ 006 Берово, се отфрли како недозволен, а се утврди дека избирачкиот одбор не го спровел гласањето на начин утврден со Законикот. Исто така, Државната изборна комисија одлучи избирачките одбори од овие избирачки места да се разрешат“, се вели во соопштението на ДИК.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...