Излезноста на гласачите до 10 часот е 8,09 отсто од обработени податоци од 1.516 избирачки места, информираат од Државната изборна комисија (ДИК). Највисока е излезноста во Демир Капија, 22,47 отсто, а најмала во Студеничани – 3,09 отсто.
Портпаролката на ДИК, Љупка Гугучевска, информираше дека до 11 часот ниту еден граѓанин нема поднесено приговор за повреда на избирачко право.
Од ДИК информираат дека гласачките места биле отворени навреме и дека гласањето се одвива непрекинато.
