fbpx

ДИК ги подели уверенијата за пратеници

-

Државната изборна комисија денеска на овластените претставници на политичките партии им ги врачи уверенијата за добиените пратенички мандати.

На предвремените парламентарни избори, коалицијата предводена од ВМРО-ДПМНЕ освои 51 пратеничко место, коалицијата предводена од СДСМ – 49, ДУИ – 10, Движење Беса – 5, Алијанса за Албанците – 3 и ДПА – 2 пратенички места.

Претседателот на ДИК, Александар Чичаковски, рече дека извештајот за спроведените избори до Собранието ќе биде доставен во текот на денешниот ден. Освен до Собранието, извештајот ќе биде доставен и до Агенцијата за аудио и аудиовизуелни услуги и ќе биде објавен на официјалната веб-страница на ДИК.

Чичаковски уште еднаш повтори дека изборите биле спроведени во согласност со законските прописи и дека поминале во фер и демократска атмосфера.

Претставникот на СДСМ, Стефан Богоев, рече дека ставот на партијата е што поскоро да се свика Собранието за да може побргу да се формира владата.

– Поради деликатноста на ситуацијата во која се наоѓа Македонија во моментов, само би истакнал дека нашиот став е час поскоро да се свика Собранието на конститутивна седница, за што побргу да може да се формира новата влада бидејќи, како што видовме на минатите избори, граѓаните гласаа за промени и граѓаните очекуваат промени. Затоа би нагласил дека очекуваме Собранието што поскоро да се свика за да може новата влада да биде избрана и Македонија конечно да оди напред – рече Богоев.

Арбер Адеми од ДУИ рече дека сите треба да се фокусираат на реформските процеси за да се врати земјата на евроатланскиот пат, а од Собранието и од Владата очекува да работат за доброто на сите.

Конституирањето на Собранието треба да се случи најдоца до 31 декември, односно 20 дена по одржаните избори.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Распишан конкурс за наградата „23 Октомври“

Одборот за доделување на државната награда „23 Октомври“, распиша конкурс за доделување на државната наградата за 2024 година. „Со државната награда се оддава највисоко признание за долгогодишни остварувања во областа...