fbpx

ДИК даде амин за избори, Чичаковски и двајцата членови од СДСМ ја напуштиле седницата

-

Државната изборна комисија со шест гласа „за“ го донесе заклучокот во кој се вели дека избирачкиот список е подготвен за фер и демократски избори, информираат за „Мета“ од ДИК.

Претходно, претседателот на ДИК, Александар Чичаковски, и двајца членови на ДИК од СДСМ, Виолета Дума и Горан Милев, ја напуштиле седницата и не сакале воопшто да гласаат за оваа точка од дневниот ред.

Вметнување точка на дневниот ред со заклучок за тоа дали се исполнети условите за фер и демократски избори, побарале амбасадорите на САД и на ЕУ, Џес Бејли и Аиво Орав, кои биле на средба со членовите на ДИК.

Расправата поминала во тензична атмосфера, а кога се ставила точката на дневен ред, тројцата членови веднаш ја напуштиле седницата.

Дознаваме дека Чичаковски останува на функцијата претседател на ДИК и ќе продолжи со работата околу прочистувањето на избирачкиот список.

Како што информираат за „Мета“ извори од комисијата, неговото напуштање на седницата било само за таа точка од дневниот ред.

 

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

ДИК нема да може сама да се справи со евентуални кибер напади и дезинформации

Кибер напади, дезинформации, логистички пречки - овие ризици се закана за кредибилитетот на изборните процеси, истакна денеска првиот човек на Државната изборна комисија (ДИК), Александар Даштевски. На денешната панел...