fbpx

Џафери ја прекина седницата оти пратениците на ВМРО-ДПМНЕ ќе одат на слави и на имендени

-

Претседателот на Собранието, Талат Џафери, ја прекина собраниската седница на која како точка на дневен ред е разрешувањето на државниот јавен обвинител Марко Зврлевски, откако координаторот на една од десетте пратенички групи на ВМРО-ДПМНЕ, Илија Димовски, рече дека поради верскиот празник Петар и Павле голем дел од неговите колеги пратеници „треба да одат на слави, имендени и на прослави“ и побара седницата да биде прекината.

– Продолжуваме утре во 11 часот, но ова како практика не трудете се да го користите од утре натаму – рече Џафери и ја прекина седницата која требаше да трае до 19 наместо до 18 часот затоа што претходно, координаторот на втората пратеничка група на ВМРО-ДПМНЕ, Антонио Милошоски, побара еден час пауза за на пратениците да им се поделат стенограми од обраќањето на Зврлевски во Собранието.

По паузата од еден час, прв за збор беше пријавен пратеникот на СДСМ, Петре Шилегов, кој за Зврлевски рече дека им служел на криминалците и станал „послушник на МВРО-ВМРО“.

– Јавниот обвинител е доказ, за жал, дека нешто што треба да биде врв на една политичка кариера станува дно затоа што е човек кој не успеа да ја одбрани Република Македонија од криминалците. Затоа што им служеше на криминалците и стана послушник на МВРО-ВМРО. Во Македонија и истрагите и истражните дејства и судењата ги вршеше една личност, криминалец. Половина од вас кои што сте на истрага од професионалните обвинители, немате пасоши и здодевно ви е, немате каде да одите ова лето, па сакате да нè држите тука, но ние сме подготвени и да не одиме на одмор оваа година. Вие, Зврлевски, не успеавте да ја сочувате Македонија од политичарите од оваа лева страна, кои се криминалци какви што ги нема родено оваа земја, Вие сте непосреден асистент и прикривач на организираната банда на ВМРО-ДПМНЕ која го организираше нападот на 27 април – рече Шилегов.

Тој додаде дека Зврлевски треба да се разреши поради нестручност, неспособност и затоа што со намера го помагал криминалот на ВМРО-ДПМНЕ.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Промоција на винил компилација „Поп култура“, во чест на Мирко Попов

Вечерва ќе се одржи промоција на винил компилацијата „Поп култура“ во едукативниот културен центар „Лабораториум“, во рамките на платформата „Силата ЕУ Младите“. Изданието содржи песни од млади современи македонски поп...