fbpx

Џафери: Имаме заедничка татковина и одговорни сме да ја зачуваме и да ја развиваме

-

Претседателот на Собранието, Талат Џафери, во своето обраќање на Мечкин камен во Крушево по повод Денот на републиката, рече дека во овие 26 години државата поминала низ повеќе премрежиња и кризи, но духот на заедништво и на соживот не е нарушен. Тој рече дека темелите на тој соживот постојат и во Крушeвскиот манифест.

– Ние имаме една заедничка татковина и сите ние сме одговорни да ја зачуваме и да ја развиваме, за нас и за идните поколенија. Во исто време, сите ние кои живееме тука или барем мнозинството граѓани, споделуваме уште една заедничка определба, па ако сакате и сон, а тоа е целосна интеграција во ЕУ и во НАТО – изјави Џафери.

Во однос на решавањето на спорот за името со Грција, Џафери вели дека е оптимист.

– Актуелното парламентарно мнозинство и актуелната Влада посветено работат во насока на решавање на ова отворено прашање, во насока на затворање на други отворени прашања за што побргу да може да се посветиме на реформите кои се потребни доколку сакаме да се вратиме на таканаречената брза пруга за членство во НАТО и почеток на преговорите за полноправно членство во ЕУ – изјави Џафери.

За потпишувањето на Договорот со Бугарија рече дека како соседи „ќе направиме значаен чекор напред во билатералните односи, како и во зајакнувањето на стабилноста во регионот и неговата евроатланска перспектива“.

Џафери истакна дека периодот кој следи, налага многу работа и сериозни, а можеби на прв поглед, и тешки одлуки и решенија, кои во еден разумен рок ќе ја покажат придобивката за сите граѓани.

– Собранието, тука мислам на сите 120 пратеници и на администрацијата, има капацитет, а верувам и политичка волја да ја исполни својата обврска која произлегува од владиниот план познат како „3-6-9“. Убеден сум дека и другите столбови на власта, извршната и судската, исто така имаат капацитет да ги реализираат своите обврски – изјави Џафери.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...