fbpx

Џафери до Милошоски: Нема да се делат пари за кампања на секој пратеник посебно

-

Откако денеска пратеникот на ВМРО-ДПМНЕ Антонио Милошоски објави дека ќе се вклучи во јавната пропаганда за референдумот со повици за бојкот и побара Собранието да му додели пари за неговата кампања, од Собранието стаса негативен одговор.

Во соопштение за јавноста, од Собранието информираа дека до претседателот на Собранието, Талат Џафери, пристигнал допис од пратеник со кој бара да му се обезбедат пари за кампањата, но дека Собранието не може да доделува пари на секој пратеник посебно, туку, според повикот од Џафери, ќе закупува медиумски простор за пратеничките групи и само за пратениците што не се во пратеничка група.

„За појаснување, водењето на јавна кампања не подразбира дека Собранието, како овластен предлагач, ќе дели средства поединечно на секој од 120-те пратеници за нивно водење кампања за референдумот на државно ниво. Затоа претседателот Џафери, во текот на вчерашниот ден,  упати известување до пратеничките групи и до  пратениците кои не се организирани во пратенички групи, во рок од три дена да го известат дали ќе учествуваат во јавната кампања и каков ќе биде нивниот став по референдумското прашање „за“ или „ против“. Врз основа на добиените податоци, пропорционално, Собранието ќе закупи медиумски простор  за учество на дебатни емисии, пишани медиуми и интернет портали“, стои во соопштението.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...