fbpx

Дезинформациите за „уништувањето“ на корона вирусот и ракот не умираат

-

Во рамките на својата програма за борба против дезинформациите и лажните вести, што на Балканот многу бргу ги минуваат границите и бргу осамнуваат во медиумите на друга држава и понекогаш и на друг јазик, „Мета.мк“ редовно пренесува што е актуелно кај сродните сервиси за проверка на фактите и борбата против дезинформациите во регионот, односно од Хрватска на север, до Грција на југ.

Босанскиот сервис за борба против дезинформации „Raskrinkavanje.ba“ откри нов случај на пласирање на дезинформацијата дека во исламските земји ракот се лекува со постоење, чие ширење во септември минатата година го анализираше „Мета.мк“. Случајот што босанскиот сервис за борба против дезинформациите го разоткри е реприза на тогашните пишувања.

Основната теза на овие дезинформативни написи е дека во исламските земји ракот бргу, едноставно и економично се лекува; дека жителите на тие земји не се плашат од него, оти не бил сериозна болест и лесно и бесплатно се победувал, и дека тоа може да се направи со пост од третина или половина од денот.

Хрватскиот сервис за проверка на фактите и борба против дезинформациите „Faktograf.hr“, се зафати со оповргнување на бројните заблуди за заштита од новиот корона вирус. „Мета.мк“ веќе ги пренесе контрааргументите на ваквите заблуди кои беа подготвени од грчкито сервис за борба против дезинформациите „Ellinika Hoaxes. Станува збор за заблудите дека вирусот може да се совлада со пиење топла вода на секои 15 минути, а да се избегнуваат студени пијалоци и сладолед, да излегувате на сонце за да го убиете вирусот, како и „упатството за самодијагностика“, односно дека ако го задржите здивот 10 секунди и потоа не се закашлате, не се гушите, не сте напнати, значи дека немате цистична фиброза во белите дробови и ситуацијата не е неповратна.

Сите овие дезинформации немаат врска со вистината, оти вирусот не влегува само во усната шуплина туку и во носот, па пиењето топла вода нема да го однесе вирусот до желудникот, каде киселините ќе го уништат, туку само ќе се натерате на повраќање.

Второ, вирусите се уништуваат на повисоки температури отколку оние што човек може нормално да ги поднесе, па и излегувањето на сонце и загревањето на телото немаат никаков ефект.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...