fbpx

Денеска почнува ски-сезоната на Пелистер

-

Почнува скијачката сезона на Пелистер. Од денеска битолчани можат да уживаат во скијањето на ски-центарот Копанки. Новина за оваа година е што ски-патеката е подолга за 600 метри, а ставен е во функција и ски-лифтот. Така, сега се добива скијачка целина со патеката од жичарницата од 1.300 метри. Ски-лифтот има капацитет да пренесе 600 посетители на час, со тоа се намалува и времето на чекање пред самата жичарница. На Пелистер на ски-терените снежната покривка е 60 сантиметри, а на шетачките патеки околу хотелот „Молика“ има 40 сантиметри снег.

Од хотелот „Молика“ велат дека од утрово пристигнале првите гости, сезонскиот билет е 4.000 денари, билетот за едно возење на жичарницата до Копанки е 100 денари, за ски-патеката дневниот билет е 300 денари за возрасни и 200 денари за деца.

– Постојано пристигнуваат автомобили, телефоните ѕвонат од сите делови на државата, што исклучително нè радува. Цените се прифатливи. Патот е прооден, а она што го бараме сега од „Македонија пат“ е проширување на патот и повеќе паркинг-простор за автомобилите – вели Никола Каревски, раководител во хотелот „Молика“ на Пелистер.

А.Б.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Промоција на винил компилација „Поп култура“, во чест на Мирко Попов

Вечерва ќе се одржи промоција на винил компилацијата „Поп култура“ во едукативниот културен центар „Лабораториум“, во рамките на платформата „Силата ЕУ Младите“. Изданието содржи песни од млади современи македонски поп...