fbpx

Дениса Маркоска денеска ќе биде погребана на новите градски гробишта во Прилеп

-

Телото на Дениса Маркоска(23), која под сè уште неразјаснети околности го загуби животот додека работеше на бродот „Серенисима“, денеска, во 14 часот, ќе биде погребано на Новите градски гробишта во Прилеп, пренесува „Нова ТВ“.

Според информациите на „Нова ТВ“, ковчегот со посмртните останки на Дениса доцна синоќа бил донесен во домот на нејзините родители.

ДНК-анализата направена во Институтот за судска медицина во Скопје потврди дека телото на 23-годишната девојка, кое на 4 октомври беше пронајдено во близина на грчкиот остров Карпатос, е на исчезнатата Македонка Дениса Маркоска.

Според неофицијални информации на порталот, Институтот за судска медицина ќе продолжи со анализите на примероци земени од телото на девојката, во обид да ги утврди причините за смртта.

Дениса Маркоска исчезна од палубата на туристичкиот брод „Серенисима“ ноќта помеѓу 12 и 13 септември. Во моментот на нејзиното исчезнување, бродот пловел од Родос кон Крит.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Млади иноватори изработија мобилна апликација за помош на дијабетичари

Ѓорѓина Ристовска и Марио Мијатовиќ се млади иноватори кои ја креираа апликацијата ДИА, како асистент на лицата со дијабетес за менаџирање на оваа состојба. Инспирирани од желбата да помогнат...