Во главниот град на Кина, Пекинг, денеска почна средбата на лидерите на земјите-членки на Азиско-пацифичка економска соработка (АПЕК).
Домаќин на средбата, на која присуствуваат лидерите на 21 држава, е кинескиот претседател Кси Џинпинг. Меѓу присутните се и рускиот и американскиот претседател, Владимир Путин и Барак Обама.
Дводневната средба во Пекинг е посветена на зајакнување на соработката, поголема економска интеграција и на нови трговски правила.
Водечки земји во АПЕК се САД, Кина и Јапонија. Регионот продуцира приближно половина од светската трговија и 57 проценти од светскиот домашен бруто-производ.