Оливер Спасовски како министер за внатрешни работи и Фросина Ременски како министерка за труд и социјална политика, денеска треба да добијат зелено светло од Владата и од Собранието.
Откако пратениците вчера на полноќ го изгласаа Законот за влада, се очекува денеска да се одржи седница на Влада на која премиерот Никола Груевски треба да предложи да се изберат нови министри.
Потоа предлогот ќе биде доставен до Собранието, кое треба да го одобри изборот на новите членови на Владата.
Неофицијално дознаваме дека освен министрите за внатрешни работи и за труд и социјална политика, ќе биде избран и нов министер за информатичко оппштество. На местото на Иво Ивановски ќе биде досегашната негова заменичка, Марта Арсовска-Томовска.
