Денеска, во организација на Институтот „Конфучиј“ при Универзитетот „Св.Кирил и Методиј“, во Скопје ќе бидат одбележани 26 септември – Светски ден на институтите „Конфучиј“, Празникот на средината на есента и 1 Октомври – Националниот ден на НР Кина.
Светскиот ден на институтите „Конфучиј“ ќе биде одбележан со отворени часови по кинески јазик и култура, додека Празникот на средината на есента во соработка со Амбасадата на НР Кина во Македонија ќе биде одбележан со поетско читање и церемонија за чај.
На одбележувањето, кое ќе се одржи на платото пред НУБ „Св.Климент Охридски“, најавено е обраќање на ректорот на Универзитетот „Св.Кирил и Методиј“-Скопје, Велимир Стојковски и на кинескиот амбасадор во Македонија, Вен Џеншун.
