fbpx

Денеска „Шарената револуција“ ќе протестира против задолжувањето

-

Денеска „Шарената револуција“ продолжува во 13 градови низ Македонија.

Протестот во Скопје почнува во 18 часот пред Специјалното јавно обвинителство, а ќе биде во знакот на економската состојба на државата и на задолжувањето.

„Протестирам затоа што Македонија е сиромашна и пропадната земја, иако може да биде успешна економска приказна! Македонија е сиромашна земја затоа што ја владеат арамии, кои го крадат јавното, го крадат она што е наше, ја крадат нашата иднина! Оваа влада го задолжи секое домаќинство во Македонија за 4.455 евра и секој од нас за 1.240 евра. Овие бројки одовде само ќе се зголемуваат! Со секој ден што тие го поминуваат на власт, ние сме сè посиромашни и позадолжени! Притоа, позајмените пари не се трошат за нашите потреби или за подобрување на економијата, туку за нивните каприци и ќефови, за нивните споменици и фасади, а голем дел одат во нивните џебови и на сметките во Белизе! Затоа, протестирам и барам одговорност за ваквото – со нивни зборови – лудачко владеење!“, пишува во фејсбук-најавата за настанот организиран за денеска.

Денеска протести во 18 часот се закажани и во Штип, Делчево, Кочани, Кичево, Радовиш, Ресен и во Битола.

Во 18.30 часот протести ќе почнат во Велес и во Охрид, во Струмица и во Прилеп протестите ќе почнат од 19 часот, а во Валандово од 19.30 часот.

Граѓаните, обединети под движењето „Протестирам“, бараат претседателот Ѓорге Иванов да ја повлече одлуката за аболиција и да си поднесе оставка. Исто така, бараат да се формира специјално одделение на Кривичниот суд за предметите на Специјалното јавно обвинителство, како и да се повлече одлуката за одржување на парламентарни избори на 5 јуни. Дел од барањата се и вклучување на граѓанското општество во решавање на кризата и формирање на преодна влада.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...