Во Франција утринава, во осум часот, беа отворени избирачките места на кои 47 милиони Французи во вториот круг од претседателските избори ќе одлучуваат за новиот шеф на државата.
До 12 часот, излезноста на гласачите е 28,23 отсто. Своето право на глас го остварија и претседателските кандидати, лидерката на ултрадесницата, Марин ле Пен, и проевропски ориентираниот претседателски кандидат, Емануел Макрон.
Hollande, Macron and Le Pen cast their votes as France goes to the polls in presidential run-off election https://t.co/P3QiQ8QQu4 pic.twitter.com/dpnPXStEZa
— Daily Mail Online (@MailOnline) May 7, 2017
Францускиот претседател во заминување, Франсоа Оланд, исто така гласаше и ги повика гласачите да го поддржат Макрон.
Аналитичарите оценуваат дека овие избори во Франција може да бидат одлучувачки за иднината на Европа.
Првите официјални резултати се очекуваат по затворањето на избирачките места, во 20 часот.