fbpx

Денеска се чистеше Македонија

-

Волонтери на различна возраст, денеска учествуваа во повеќе акции за чистење низ целата земја по повод Светскиот ден на животната средина.

Дел од нив, денеска го чистеа Средно Водно, под мотото на проектот „В џеб, ако нема каде друго!“. Младите волонтери собраа значително количество отпад фрлен по патот, а помош добија и од вработени во секторот за зачувување на животната средина на Град Скопје.

Организатор на оваа акција е новото Движење за едукација и унапредување на дијалогот ЛЕАД. Ова е прв проект на оваа невладина организација. Со проектот „В џеб, ако нема каде друго!“ се предвидени шест вакви акции, во наредните шест месеци, поддржани од програмата „Цивика мобилитас“.

Министерството за животна средина и просторно планирање, пак, спроведе акции со помош на Агенцијата за млади и спорт и на јавните комунални претпријатија на општините, како дел од  националната кампања „Македонија без отпад“.

Се чистеше во Сарај на влезот на езерото Треска, кај новата пречистителна станица за отпадни води, каде беше отстранет несоодветно одложениот отпад.

Во Неготино се чистеше околу спортската сала „Младост“, во Кавадарци беше извршено подводно чистење на отпад на Тиквешкото Езеро од страна на нуркачкиот клуб „Врело“, додека во Конче се чистеше отпад на местото Ирон дол во близина на Лубница.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Млади иноватори изработија мобилна апликација за помош на дијабетичари

Ѓорѓина Ристовска и Марио Мијатовиќ се млади иноватори кои ја креираа апликацијата ДИА, како асистент на лицата со дијабетес за менаџирање на оваа состојба. Инспирирани од желбата да помогнат...