Фото: Prasesh Shiwakoti (Lomash) on Unsplash

Во последните 24 часа во земјава се направени 4.713 тестирања, а регистрирани се 219 нови случаи на ковид-19: Скопје и Тетово – по 65, Куманово – 20, Гостивар – 19, Струмица – 7, Кичево – 6, Битола, Струга, Берово и Виница – по 4, Прилеп и Кочани – по 3, Велес, Кавадарци, Штип, Радовиш и Дебар – по 2, Охрид, Ресен, Македонска Каменица, Македонски Брод и Пехчево – по 1, соопшти Министерството за здравство (МЗ).

Ова е највисоката бројка на нови случаи уште од 6 мај годинава.

Во последните 24 часа во земјава регистрирани сe 30 оздравени пациенти, од: Скопје – 9, Тетово – 8, Гостивар – 3, Куманово – 2, Прилеп, Струмица, Кочани, Кичево, Гевгелија, Радовиш, Делчево и Валандово – по 1.

Пријавени се четири починати лица: две лица од Скопје (61 г. и 66 г.) и по едно лице од Тетово (76 г.) и Кичево (76 г.). Сите се починати во болнички услови.

Досега во земјава се направени вкупно 999.203 тестирања на ковид-19, а вкупната бројка на ковид-дијагностицирани лица во нашата земја од почетокот на епидемијата изнесува 156.926. Бројката на оздравени пациенти е 150.470, на починати е 5.501, а бројот на активни случаи на ковид-19 изнесува 955, од кои најголем број се регистрирани во Тетово (285) и Скопје (275).