По еден ден пауза, денеска, во Клубот на пратеници, се очекува да продолжат разговорите за изборното законодавство и за избирачкиот список.
Како што најавија вчера членови на опозицијата, денеска се очекува странците да достават готова верзија на изборниот законик, а партиите да се изјаснат.
Иако од партиите информираат дека поголемиот дел прашања се затворени, тие сè уште не можат да постигнат согласност околу прашањето за гласањето на дијаспората и околу начинот на гласање во Државната изборна комисија.
Засега договорено е ДИК да има поголеми надлежности, јавност во одлучувањето, а жалбените постапки да одат во Управен суд.
Од опозицијата информираат дека избирачкиот список ќе биде целосно прочистен теренски, а дополнително ќе се проверува и со вкрстување на базите на податоците од институциите. Оттаму велат дека меѓународната заедница барала, ако не се договори гласањето на дијсапората, само за овие избори таа да се изземе од гласање.