Министерството за здравство информира, согласно податоците од Институтот за јавно здравје, дека во последните 24 часа направени се 1.613 тестови, а регистрирани се нови 779 случаи на ковид-19. Од вкупниот број на позитивни случаи, регистрирани се 173 реинфекции на ковид-19.
Најголем број на нови случаи се регистрирани во Скопје – 345, по што следат: Битола – 61, Куманово – 45, Прилеп – 39, Кавадарци – 38, Велес – 32, Струмица – 25, Тетово – 24, Охрид и Кичево – по 23, Штип – 21, Струга, Гевгелија и Неготино – по 14, Ресен и Радовиш – по 8, Гостивар и Крива Паланка – по 7, Демир Хисар – 5, Кочани, Свети Николе и Валандово – по 4, Дебар и Македонски Брод – по 3, Пробиштип и Крушево – по 2, Делчево, Берово, Виница и Кратово – по 1.
Во текот на изминатите 24 часа пријавени се 4 починати лица: 2 починати лица од Прилеп (80г и 89г) и по едно починато лице од Скопје (68г) и Велес (83г). Сите лица се починати во болнички услови.
Во изминатово деноноќие регистрирани сe 477 оздравени пациенти од ковид-19.
Досега во земјата се направени вкупно 2.105.622 тестирања на ковид-19. Вкупната бројка на ковид-дијагностицирани лица во нашата земја од почетокот на епидемијата изнесува 322.165, бројот на оздравени пациенти е 308.676, на починати е 9.353, а бројот на активни случаи на ковид-19 во моментов изнесува 4.136.
