Согласно податоците од Институтот за јавно здравје, Министерството за здравство информира дека во последните 24 часа биле направени 1.113 тестови, а регистрирани се нови 297 случаи на ковид-19: Скопје – 174, Куманово – 21, Битола – 17, Прилеп и Кавадaрци – по 12, Велес – 11, Гостивар – 9, Штип – 8, Тетово – 6, Струмица, Кичево и Радовиш – по 4, Кочани и Гевгелија – по 3, Ресен и Демир Хисар – по 2, Охрид, Струга, Валандово, Кратово и Македонски Брод – по 1.
Од вкупниот број на позитивни случаи (297), регистрирани се 69 реинфекции на ковид-19.
Во изминатово деноноќие регистрирани сe 180 оздравени пациенти од ковид-19.
Во текот на изминатите 24 часа не се пријавени починати лица. Согласно Регистарот на умрени лица со дијагноза ковид-19 од Мој Термин, регистрирани се две починати лица од Скопје (80г и 71г), едното лице е починато во болнички услови, а другото лице во домашни услови. Лицата се починати на ден 29.06.2022 и 30.06.2022 година.
Досега во земјата се направени вкупно 2.088.834 тестирања на ковид-19. Вкупната бројка на ковид-дијагностицирани лица во нашата земја од почетокот на епидемијата изнесува 315.699, бројот на оздравени пациенти е 304.777, на починати е 9.331, а бројот на активни случаи со ковид-19 во моментов е 1.591.