Фото: Prasesh Shiwakoti (Lomash) on Unsplash

Министерството за здравство информира дека во последните 24 часа се направени 2.290 тестови, а регистрирани се 150 нови случаи на ковид-19, и тоа најмногу во: Скопје – 84, Битола – 23 и Прилеп – 9. Од вкупниот број на позитивни (150), регистрирани се 27 реинфекции од ковид-19.

Во текот на изминатите 24 часа, регистрирано е едно починато лице: од Демир Хисар (68г). Согласно Регистарот на умрени лица со дијагноза ковид-19 од Мој термин, дополнително се пријавени 3 починати лица од Скопје на возраст од 58 до 93 години во периодот од 12 до 17.03.2022 година.

Од вкупниот број на починати лица (4), кај сите се регистрирани коморбидитети.

Во изминатово деноноќие регистрирани сe 246 оздравени пациенти од ковид-19.

Досега во земјата се направени вкупно 1.986.783 тестирања на ковид-19. Вкупната бројка на ковид-дијагностицирани лица во нашата земја од почетокот на епидемијата изнесува 307.967, бројот на оздравени пациенти е 297.600, на починати е 9.256, а бројот на активни случаи на ковид-19 изнесува 1.111.