Фото: Prasesh Shiwakoti (Lomash) on Unsplash

Министерството за здравство информира дека во последните 24 часа биле направени 1.726 тестирања, а регистрирани се 112 нови случаи на ковид-19, и тоа во: Скопје – 82, Кавадарци – 8, Куманово – 6, Прилеп, Битола, Неготино и Крива Паланка – по 2, Тетово, Велес, Струмица, Кичево, Свети Николе, Ресен, Делчево и Македонска Каменица – по 1.

Во текот на изминатово деноноќие починале 12 лица: 7 починати лица од Скопје (78г, 78г, 76г, 76г, 72г, 67г и 66г) и по едно починато лице од  Куманово (66г), Струмица (72г), Штип (62г), Дебар (37г) и Велес (84г). Дополнително, согласно Регистерот на умрени лица со дијагноза ковид-19 од Мој Термин, пријавено е уште едно лице, со датум на смрт 25.09.2021 година. Починатото лице е од Крива Паланка, на возраст од 77 години.

Од Министерството за здравство велат дека има и 419 оздравени пациенти.

Вкупната бројка на ковид-дијагностицирани лица во нашата земја од почетокот на епидемијата изнесува 189.999, бројката на оздравени пациенти е 171.375, на починати е 6.607, а бројот на активни случаи на ковид-19 изнесува 12.017.