Меѓународниот и мултикултурен фестивал „Баскерфест“ почнува денеска на плоштадот Филип Втори во Скопје. Јубилејното 10. издание ќе трае до 13 јули и ќе се одржува низ 14 градови во Македонија.

Најавено е учество на околу 100 баскер-изведувачи од Чиле, САД, Куба, Албанија, Србија, односно изведувачи од 23 држави со различни точки. Во вечерните часови планирани се настапи на повеќе музички групи од странство и од Македонија.

За најмладите ќе биде организирани детска работилница, каде ќе можат да се дружат и едуцираат со изведувачите.