На денешен ден пред 35 години, во Љубљана почина претседателот на некогашна СФРЈ и на Сојузот на комунистите на Југославија, Јосип Броз Тито.
Тито бил лидер на југословенските партизани во Втората светска војна и лидер на Комунистичката партија на Југославија. На чело на Југославија бил од 1945 година, па сè до смртта на 4 мај 1980 година. Тој ја извел земјата од советскиот блок и бил еден од лидерите на Движењето на неврзаните земји.
Погребан е во Куќата на цвеќето во Белград, а на неговиот погреб присуствувале повеќе од 200 делегации од цел свет, претседатели, премиери, кралеви, владари и партиски лидери од 107 земји. Меѓу нив биле и Индира Ганди, Маргарет Тачер, Леонид Брежњев и многу други.