Денеска околу 5.000 демонстранти се собраа на Плоштадот во центарот на Бејрут, обидувајќи се да ја пробијат оградата и да стигнат до зградата на Парламентот. Тие побараа „режимот да падне“ и Владата ја сметаат за одговорна за експлозијата со катастрофални последици, поради недоволната грижа за складиштето со 2.700 тони амониум нитрат.
Во тек е истрага за причините за несреќата, но меѓународната јавност побара независна истрага. На помош на властите пристигна и Интерпол.
Во посета на Либан денеска е претседателот на Европскиот совет, Шарл Мишел кој порача дека државата може да смета на солидарноста на ЕУ, не само со зборови, туку и во конкретни активности.
„Европа веќе е со вас. Ветувам дека Европа ќе биде овде за да ви помогне во повторната изградба“, напиша Мишел на Твитер.
Според последните информации бројот на загинати во експлозијата во центарот на Бејрут денеска се зголеми на 158, повредени се повеќе од 6.000 лица, а 21 лице се водат како исчезнати.
