Малата фирма за преводи „Транслејтед бај ас“ (Translated by us) од Данска вовела шестчасовен работен ден, односно 30-часовна работна недела за своите вработени, пренесуваат данските медиуми.
Мадс Блухер, сопственикот на фирмата која има само четворица вработени, но е во процес на ширење, истакнува дека не станува збор за „хипи експеримент“ туку за доста добро промислена одлука. Според него, со шестчасовен работен ден се добива зголемена продуктивност и поефикасно раководење со фирмата.
Тоа, како што пренесуваат медиумите, го потврдил и еден од вработените, кој констатирал дека сега успева да постигне да контактира со поголем број клиенти, но и дека е генерално подобро расположен во комуникацијата со нив.
