Последниве денови излезе многу важна вест за хакирање на портовите од PlayStation 5 каде поголем број од игрите веднаш станаа бесплатно достапни пиратски за персонални компјутери.
Оваа појава излезе како резултат на експериментирање со AI во кое првично било побарано спојување на различни видеоигри во една нова игра, Вештачките Интелигенции користени за овие задачи за кратко време отворија нови можности, како пробивање на заштитите нa PlayStation 5 игрите.
Ова направи голем број од нив да можат да се симнат и играат на PC, но не се вклучени сите игри. Статистиката на степенот на ова хакирање најдобро ја објаснува моментално најпопуларниот јутубер гејмер Асмонголд во кратко видео:
Порано а и сега на Балканот и за останатите земји кои немаа легална поддршка ниту па економска купувачка моќ на гејмерите пиратските верзии од игрите беа и се -единствен начин да се држи чекор со светот во гејмингот.
И штом гејмерите ќе дојдеа до заштедување позначителни суми пари веднаш се ориентираа на компјутери наместо конзоли -дека преку компјутерите можат да симнуваат па дури и најнови пиратски игри. На пример полската фирма „CD PROJEKT RED“ одговорна за Witcher серијалот, има полиса каде кога ќе излезе нивна нова игра како на пример најновата игра со вампири Blood of The Dawnwalker, ги пуштаат на нет целите игри намерно без толку познатата заштита наречена „денуво“ и само се симнуваат (дека се и веќе „кракувани“) од пиратски вебсајтови како „The Pirate Bay“, „Skidrow“ и сите други што поддржуваат симнување преку „Торенти.“
Практично полската фирма свесно им олсенува на дигиталните пирати да ги направат нивните игри актуелни и бесплатно достапни ширум светот, полиса што ја направи играта Witcher 3: The Wild Hunt светска хит игра и една од најнаградуваните видеоигри воопшто.
Додека и кај нас конзолите PS 1,2 и 3 беа кракнати кратко по нивното излегување да може да се играат повеќето игри пиратски -бидејќи една оригинална игра за PS3 чинеше околу 50 евра -пред големите светски инфлации по епидемијата со короната-се мисли на времето кога „50 евра беа 50 евра.“-оваа шега ќе ја разберат повозрасните гејмери. Најголем број на видеоигри од PlayStation првично имаше за PS2 конзолата по едноставна постапка што се прави вака:
За четвртиот дел од PlayStation конзолата хакерите се намачија но и таа конзола беше кракната по подолг период на изработки за познато „чипување на PlayStation“. Додека играчите што играат легално на PS5 сега немаат ни македонски акаунти и најчесто се регистрирани преку свои бугарски акаунти, бидејќи не постои друга опција на самиот сервис за овој регион.
Но сега со новоста што „го преврте интернетот наопачки“ испаѓа дека за кратко време сите PlayStation игри ќе бидат достапни за играње преку емулатори и со обичен „download.“ Пред ова да се случи емулаторите на PC грото добро функционираа до ерата на PS3 , а сега нагло се достапни и најнови игри и екслузиви од PS5 во пиратски верзии за PC.
Како сето ова ќе се одвива останува да видиме, но покрај ова хакерите експериментирајќи со кршење на легалноста на игрите на светско ниво е вид на „освета“ затоа што Sony како фирма што ја прави и продава конзолата PlayStation извади нови правила да нема тврди копии на дискови во продажба туку само дигитални игри кои ги плаќате- а не ви припаѓаат легално на вас иако сте ги купиле по сега стандарни цени за популарни наслови над 60 евра за секоја видеоигра. За ова може да прочитате повеќе овде.
Ова испадна дека е само почеток и на нешто сосема друго -Вештачката Интелигенција почна почнувајќи со злоупотребите на видеоигрите, но драстично брзо и почнаа да излегуваат готови клонови на секаков друг вид софтвер што врши работа исто како платежен софтвер што и не е така евтин -бесплатно и за глобална употреба каква што е тенденцијата на овие активности. Најеклатантен пример е што има клон програма на најпопуларната програма за уредување фотографии Photoshop што работи исто толку добро како оригиналот и е бесплатна за превземање.
А легислативите иако законски и на сила, ќе почнуваат да губат сила на сметка на корпорациите кои се бават со софтвер. Сето ова звучи како научна фантастика, посебно како паролата на „сајберпанкот“ дека:
„Сите информации треба да бидат слободни(достапни, бесплатни).” идеал за идни добробити на сите луѓе под премисата дека „што повеќе знаење е споделено тоа подобро за сите луѓе на планетава дека ќе направат подобар свет во иднина.“ додека баш како во Сајберпанк приказните за Мрачна Иднина : Корпорациите сакаат дури и информацијата да ја направат „идна валута.“ Но овојпат преку вакво драстично хакирање со помош на AI тоа ослобување од монетарни трошоци почнува да се спроведува во актуелниот реален свет и интернет. Со ниво на огромна транспарентност за тоа како функционира пиратеријата на голема радост на гејмерите ширум светот.
Каде ќе доведат ваквиве активности на хакери и AI пробивања не се знае, но едно е сигурно- нема току така да застанат со овие активности и не се знае што да се очекува во иднина.
