Европска Унија официјално нема побарано Србија да го признае Косово, изјави шефот на српската дипломатија Ивица Дачиќ.

– Србија не го променила својот став околу непризнавање на Косово, ниту ЕУ официјално го побарала тоа – рече Дачиќ, додавајќи дека во официјалните документи од ЕУ не се наведува дека Србија мора да го признае.

Дачиќ вели дека во документите се наведува дека Србија мора да постигне напредок во дијалогот со Косово, но не и да го признае.