Цветанка Невчева ја доби наградата „Бели мугри“ за поетска книга на млад автор до 35 години, која ја доделува ЈУ Дом на култура „Кочо Рацин“ и истата е дел од Едицијата: „Бели мугри“ 2024.
Стихозбирката „Исихија“ ќе биде промовирана на 4 декември (среда) 2024 година во 19 часот во ЈУ Дом на култура „Кочо Рацин“ – Скопје каде ќе се одржи Книжевната манифестација „Денови“, која установата ја организира во чест на раѓањето на македонскиот поет и револуционер Кочо Рацин.
Пред 85 години од печат излезе стихозбирката „Бели мугри“ од Кочо Рацин.
По тој повод Филип Димкоски состави рецитал од неколку песни од стихозбирката „Бели мугри“. Рециталот ќе биде изведен во рамките на манифестацијата „Денови“ од страна на актерите: Марина Поп Панкова и Христијан Поп Симонов.
Свој музички настап ќе има и гудачкиот квартет – Пламенка Tрајковска. Пораката што сака да ја пренесе стихозбирката „Исихија“ до читателите гласи: Слушни ја тишината во тебе, за да се осознаеш самиот себе. Тишината си ти.
